கற்றைக் கருங்குழல்
மற்றைக் கயல்விழி
ஒற்றைப் பிறைநுதல்
பெற்றைப்
பெண்ணிவள் - அழகாமே!
தப்பிக்க இயலாது
கப்பியக் கரிவிழிக்கண்
ஒப்புவித்தேன்
எனை
எப்பொழுது நீதரு - வாயுன்னை!
தத்தைக் கனியிதழ்
முத்தைச் சுவைசெய
எத்தைத் தவமிருப்பேன்
மத்தைப் போல்நெஞ்சை - கடைவோளே!
வெட்டிடும் கூர்விழி
கொட்டிடும்
பார்வையில்
பட்டதும் பாழ்மனம்
ஒட்டியே கொள்ளுதே
- பொழுதெல்லாம்!
பச்சைக் கிளியுந்தன்
கொச்சை மொழிவாயின்
எச்சில்
சுவைவேண்டும்
இச்சை எனதாமே -
தருவாயோ!
இக்கணம் எனைவிட்டால்
எக்களம் ஏகியுமே
சக்கரை பாவையுன்
அக்கரை எனதாய் -
நானாக்குவேன்!
அருமை விஜய் ..
ReplyDeleteஎனக்கு
என்னோட அத்தை பொண்ணு
ஞாபகத்துக்கு வர்றா ...
நியோ,
ReplyDeleteவருகைக்கும் கருத்திற்கும் நன்றி! மிக இயல்பான எதிர்வினையாய்த் தோன்றுகிறது! தங்கள் கருத்துரையில் இருக்கும் குறும்பு தங்களின் இணையதளத்தில் இல்லை, பெரியார் ரசம் பருகும் ஒரு தீவிரமான நியோவை அங்கே பார்த்தேன் - பெரியாருக்கு இப்படி ஒரு வாசகன் கிடைத்ததற்கு அவர் மிக மகிழ்வார் - நானும்!
நன்றி! (காலம் தாழ்ந்தமைக்கு மன்னிக்கவும்!)