வெள்ளைச் சட்டை

வெளியில் இருந்து வந்தவுடன்
வெள்ளைச் சட்டையை கழட்டி
கொடியில் மாட்டினேன்,
வெள்ளைச் சட்டை வெள்ளையாகவே இருந்தது
வெளிச்சத்தில் பார்த்ததில் நன்றாய் தெரிந்தது,
அழுக்காக்கி வந்தால்
அதட்ட ஆளில்லை
அழுக்காக்க காரணமுமில்லை
மைகசியும் பேனா இல்லை
கையை துடைக்க நன்பன் இல்லை
தூசி படிந்த இருக்கைகள் இல்லை
வீசிவிட்டு ஆட வெட்டவெளி இல்லை
ஓடி வேர்க்கும் விளையாட்டில்லை
ஆடி களைக்கும் பாடல் இல்லை
வெள்ளைச் சட்டையும் கறைபடவில்லை
வெள்ளைச் சட்டை வெள்ளயாகவே இருப்பது
வெறுமை ஒன்றை உணர்த்துகிறது
அவையெல்லாம் இருந்திருக்கலாம்
என் சட்டையும் கறைபட்டிருக்கலாம்...!