முண்டாசுக் கவிக்கென் முகமன்

இன்று பாரதியின் பிறந்தநாள்... பாரதி என்பதைவிட பாரதீ என்றால் பொருந்தும்...

‘எப்படி எழுதினார்
நெருப்புக் கவிதைகளை
காகிதம் கருகாமல்?’
-என்று என்றோ வியந்துவிட்டேன்...



இன்று, இந்தச் சிந்து:


 சொற்களில் எரிந்திட்ட தீ - சுடர்ச்
...சுதந்திர தாகத்தைத் தூண்டிய தீ,
பற்பல புதுமைகளை - நல்ல
...பழகு தமிழிற்குப் பழக்கிய தீ,
அற்பரை வாட்டிய தீ - நல்ல
...ஆன்றோர் உளவிளக்கேற்றிய தீ,
கற்றிடும் போதெல்லாம் - எனைக்
...கனலென ஆக்கிடும் பார் இந்தத் தீ...

யார் இந்தத் தீ? - வேறு
யார் இந்தத் தீ?

பார் அத் தீ - நம்
பாரதீ...

முண்டாசுக் கவிக்கென் முகமன்...